아라까 숫따

“수행자들이여, 옛날 아라까라는 스승이 있었는데, 한 교단의 창시자이며 감각적 욕망을 떠난 이였다. 수행자들이여, 아라까 스승에게는 수백 명의 제자가 있었다. 아라까는 제자들에게 이렇게 가르쳤다. ‘브라흐마나여, 사람의 목숨은 얼마 되지 않아 짧고 가벼우며 괴로움과 고뇌가 많다. 지혜로 깨달아 선한 일을 하고 거룩한 삶을 살아야 한다. 태어난 자에게 죽지 않음은 없다.’”

“Bhūtapubbaṁ, bhikkhave, arako nāma satthā ahosi titthakaro kāmesu vītarāgo. Arakassa kho pana, bhikkhave, satthuno anekāni sāvakasatāni ahesuṁ. Arako satthā sāvakānaṁ evaṁ dhammaṁ deseti: ‘appakaṁ, brāhmaṇa, jīvitaṁ manussānaṁ parittaṁ lahukaṁ bahudukkhaṁ bahupāyāsaṁ mantāyaṁ boddhabbaṁ, kattabbaṁ kusalaṁ, caritabbaṁ brahmacariyaṁ, natthi jātassa amaraṇaṁ.

“브라흐마나여, 풀끝의 이슬방울이 해가 뜨면 곧 사라져 오래 머물지 못하는 것과 같다. 브라흐마나여, 사람의 목숨도 이슬방울과 같아 얼마 되지 않고 짧고 가벼우며 괴로움과 고뇌가 많다. 지혜로 깨달아 선한 일을 하고 거룩한 삶을 살아야 한다. 태어난 자에게 죽지 않음은 없다.”

Seyyathāpi, brāhmaṇa, tiṇagge ussāvabindu sūriye uggacchante khippaṁyeva paṭivigacchati, na ciraṭṭhitikaṁ hoti; evamevaṁ kho, brāhmaṇa, ussāvabindūpamaṁ jīvitaṁ manussānaṁ parittaṁ lahukaṁ bahudukkhaṁ bahupāyāsaṁ mantāyaṁ boddhabbaṁ, kattabbaṁ kusalaṁ, caritabbaṁ brahmacariyaṁ, natthi jātassa amaraṇaṁ.

“브라흐마나여, 굵은 빗방울이 쏟아질 때 물거품이 곧 사라져 오래 머물지 못하는 것과 같다. 브라흐마나여, 사람의 목숨도 물거품과 같아 얼마 되지 않고 짧고 가벼우며 괴로움과 고뇌가 많다. 지혜로 깨달아 선한 일을 하고 거룩한 삶을 살아야 한다. 태어난 자에게 죽지 않음은 없다.”

Seyyathāpi, brāhmaṇa, thullaphusitake deve vassante udakabubbuḷaṁ khippaṁyeva paṭivigacchati, na ciraṭṭhitikaṁ hoti; evamevaṁ kho, brāhmaṇa, udakabubbuḷūpamaṁ jīvitaṁ manussānaṁ parittaṁ lahukaṁ bahudukkhaṁ bahupāyāsaṁ mantāyaṁ boddhabbaṁ, kattabbaṁ kusalaṁ, caritabbaṁ brahmacariyaṁ, natthi jātassa amaraṇaṁ.

“브라흐마나여, 물 위에 막대로 그은 자국이 곧 사라져 오래 머물지 못하는 것과 같다. 브라흐마나여, 사람의 목숨도 물 위의 자국과 같아 짧다. … 태어난 자에게 죽지 않음은 없다. 브라흐마나여, 멀리 가고 흐름이 빠르며 만나는 것을 휩쓸어 가는 산의 강은 한순간도 되돌아가지 않고 오직 가고 움직이며 흐를 뿐이다. 브라흐마나여, 사람의 목숨도 산의 강과 같아 짧고 가볍다. … 태어난 자에게 죽지 않음은 없다.”

Seyyathāpi, brāhmaṇa, udake daṇḍarāji khippaṁyeva paṭivigacchati, na ciraṭṭhitikā hoti; evamevaṁ kho, brāhmaṇa, udake daṇḍarājūpamaṁ jīvitaṁ manussānaṁ parittaṁ …pe… natthi jātassa amaraṇaṁ. Seyyathāpi, brāhmaṇa, nadī pabbateyyā dūraṅgamā sīghasotā hārahārinī, natthi so khaṇo vā layo vā muhutto vā yaṁ sā āvattati, atha kho sā gacchateva vattateva sandateva; evamevaṁ kho, brāhmaṇa, nadīpabbateyyūpamaṁ jīvitaṁ manussānaṁ parittaṁ lahukaṁ …pe… natthi jātassa amaraṇaṁ.

“브라흐마나여, 힘센 사람이 혀끝에 침덩이를 모아 힘들이지 않고 뱉는 것과 같다. 브라흐마나여, 사람의 목숨도 침덩이와 같아 짧다. … 태어난 자에게 죽지 않음은 없다. 브라흐마나여, 온종일 달군 쇠솥에 고깃덩이를 넣으면 곧 녹아 오래 머물지 못하는 것과 같다. 브라흐마나여, 사람의 목숨도 고깃덩이와 같아 짧다. … 태어난 자에게 죽지 않음은 없다.”

Seyyathāpi, brāhmaṇa, balavā puriso jivhagge kheḷapiṇḍaṁ saṁyūhitvā akasireneva vameyya; evamevaṁ kho, brāhmaṇa, kheḷapiṇḍūpamaṁ jīvitaṁ manussānaṁ parittaṁ …pe… natthi jātassa amaraṇaṁ. Seyyathāpi, brāhmaṇa, divasaṁsantatte ayokaṭāhe maṁsapesi pakkhittā khippaṁyeva paṭivigacchati, na ciraṭṭhitikā hoti; evamevaṁ kho, brāhmaṇa, maṁsapesūpamaṁ jīvitaṁ manussānaṁ parittaṁ …pe… natthi jātassa amaraṇaṁ.

“브라흐마나여, 도살장으로 끌려가는 소가 발을 들어 올릴 때마다 도살에 가까워지고 죽음에 가까워지는 것과 같다. 브라흐마나여, 사람의 목숨도 도살될 소와 같아 얼마 되지 않고 짧고 가벼우며 괴로움과 고뇌가 많다. 지혜로 깨달아 선한 일을 하고 거룩한 삶을 살아야 한다. 태어난 자에게 죽지 않음은 없다.”

Seyyathāpi, brāhmaṇa, gāvī vajjhā āghātanaṁ nīyamānā yaṁ yadeva pādaṁ uddharati, santikeva hoti vadhassa santikeva maraṇassa; evamevaṁ kho, brāhmaṇa, govajjhūpamaṁ jīvitaṁ manussānaṁ parittaṁ lahukaṁ bahudukkhaṁ bahupāyāsaṁ mantāyaṁ boddhabbaṁ, kattabbaṁ kusalaṁ, caritabbaṁ brahmacariyaṁ, natthi jātassa amaraṇan’ti.

“수행자들이여, 그때 사람의 수명은 육만 년이었고 오백 살 된 소녀가 혼인할 만했다. 수행자들이여, 그때 사람에게는 여섯 가지 질병만 있었다. 추위·더위·배고픔·목마름·대변·소변이다.”

Tena kho pana, bhikkhave, samayena manussānaṁ saṭṭhivassasahassāni āyuppamāṇaṁ ahosi, pañcavassasatikā kumārikā alaṁpateyyā ahosi. Tena kho pana, bhikkhave, samayena manussānaṁ chaḷeva ābādhā ahesuṁ— sītaṁ, uṇhaṁ, jighacchā, pipāsā, uccāro, passāvo.

“수행자들이여, 그렇게 오래 살고 오래 머물며 병이 적었던 사람들에게도 아라까 스승은 이렇게 가르쳤다. ‘브라흐마나여, 사람의 목숨은 얼마 되지 않아 짧고 가벼우며 괴로움과 고뇌가 많다. 지혜로 깨달아 선한 일을 하고 거룩한 삶을 살아야 한다. 태어난 자에게 죽지 않음은 없다.’”

So hi nāma, bhikkhave, arako satthā evaṁ dīghāyukesu manussesu evaṁ ciraṭṭhitikesu evaṁ appābādhesu sāvakānaṁ evaṁ dhammaṁ desessati: ‘appakaṁ, brāhmaṇa, jīvitaṁ manussānaṁ parittaṁ lahukaṁ bahudukkhaṁ bahupāyāsaṁ mantāyaṁ boddhabbaṁ, kattabbaṁ kusalaṁ, caritabbaṁ brahmacariyaṁ, natthi jātassa amaraṇan’ti.

“수행자들이여, 오늘날에는 바로 이렇게 말해야 옳다. ‘사람의 목숨은 얼마 되지 않아 짧고 가벼우며 괴로움과 고뇌가 많다. 지혜로 깨달아 선한 일을 하고 거룩한 삶을 살아야 한다. 태어난 자에게 죽지 않음은 없다.’ 수행자들이여, 오늘날 오래 사는 사람도 백 년 또는 조금 더 산다.”

Etarahi taṁ, bhikkhave, sammā vadamāno vadeyya: ‘appakaṁ jīvitaṁ manussānaṁ parittaṁ lahukaṁ bahudukkhaṁ bahupāyāsaṁ mantāyaṁ boddhabbaṁ, kattabbaṁ kusalaṁ, caritabbaṁ brahmacariyaṁ, natthi jātassa amaraṇan’ti. Etarahi, bhikkhave, yo ciraṁ jīvati so vassasataṁ appaṁ vā bhiyyo.

“수행자들이여, 백 년을 사는 사람은 삼백 계절을 산다. 겨울 백 번, 여름 백 번, 우기 백 번이다. 수행자들이여, 삼백 계절을 사는 사람은 천이백 달을 산다. 겨울 사백 달, 여름 사백 달, 우기 사백 달이다.”

Vassasataṁ kho pana, bhikkhave, jīvanto tīṇiyeva utusatāni jīvati— utusataṁ hemantānaṁ, utusataṁ gimhānaṁ, utusataṁ vassānaṁ. Tīṇi kho pana, bhikkhave, utusatāni jīvanto dvādasayeva māsasatāni jīvati— cattāri māsasatāni hemantānaṁ, cattāri māsasatāni gimhānaṁ, cattāri māsasatāni vassānaṁ.

“수행자들이여, 천이백 달을 사는 사람은 이천사백 번의 반달을 산다. 겨울 팔백 번, 여름 팔백 번, 우기 팔백 번의 반달이다. 수행자들이여, 이천사백 번의 반달을 사는 사람은 삼만육천 밤을 산다. 겨울 만이천 밤, 여름 만이천 밤, 우기 만이천 밤이다.”

Dvādasa kho pana, bhikkhave, māsasatāni jīvanto catuvīsatiyeva addhamāsasatāni jīvati— aṭṭhaddhamāsasatāni hemantānaṁ, aṭṭhaddhamāsasatāni gimhānaṁ, aṭṭhaddhamāsasatāni vassānaṁ. Catuvīsati kho pana, bhikkhave, addhamāsasatāni jīvanto chattiṁsaṁyeva rattisahassāni jīvati— dvādasa rattisahassāni hemantānaṁ, dvādasa rattisahassāni gimhānaṁ, dvādasa rattisahassāni vassānaṁ.

“수행자들이여, 삼만육천 밤을 사는 사람은 칠만이천 끼니를 먹는다. 겨울 이만사천 끼니, 여름 이만사천 끼니, 우기 이만사천 끼니이며 어머니의 젖을 먹는 때와 끼니를 거르는 때도 포함한다. 끼니를 거르는 경우는 이러하다. 잠깐 졸아서, 괴로워서, 병들어서, 포살을 지켜서, 또는 음식을 얻지 못해서 먹지 않는다.”

Chattiṁsaṁ kho pana, bhikkhave, rattisahassāni jīvanto dvesattatiyeva bhattasahassāni bhuñjati— catuvīsati bhattasahassāni hemantānaṁ, catuvīsati bhattasahassāni gimhānaṁ, catuvīsati bhattasahassāni vassānaṁ saddhiṁ mātuthaññāya saddhiṁ bhattantarāyena. Tatrime bhattantarāyā kapimiddhopi bhattaṁ na bhuñjati, dukkhitopi bhattaṁ na bhuñjati, byādhitopi bhattaṁ na bhuñjati, uposathikopi bhattaṁ na bhuñjati, alābhakenapi bhattaṁ na bhuñjati.

“수행자들이여, 나는 백 년을 사는 사람의 수명·수명의 한계·계절·해·달·반달·밤·낮·끼니·결식까지 모두 세었다. 수행자들이여, 제자의 이익을 바라고 연민하는 스승이 연민으로 해야 할 일을 내가 그대들에게 다했다. 수행자들이여, 여기 나무 아래가 있고 빈집이 있다. 수행자들이여, 명상해라. 게으름 피우지 마라. 나중에 후회하지 마라. 이것이 그대들에게 주는 나의 가르침이다.”

Iti kho, bhikkhave, mayā vassasatāyukassa manussassa āyupi saṅkhāto, āyuppamāṇampi saṅkhātaṁ, utūpi saṅkhātā, saṁvaccharāpi saṅkhātā, māsāpi saṅkhātā, addhamāsāpi saṅkhātā, rattipi saṅkhātā, divāpi saṅkhātā, bhattāpi saṅkhātā, bhattantarāyāpi saṅkhātā. Yaṁ, bhikkhave, satthārā karaṇīyaṁ sāvakānaṁ hitesinā anukampakena anukampaṁ upādāya; kataṁ vo taṁ mayā etāni, bhikkhave, rukkhamūlāni etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṁ vo amhākaṁ anusāsanī”ti.